Bank

05 June
1

İpoteka şərtləri dəyişdi

Azərbaycanda ipoteka kreditlərinin verilməsi şərtlərinə dəyişiklik edilib. Fins.az-ın “Marja”-ya istinadən verdiyi məlumata görə, banklar Azərbaycan İpoteka Fondunun vəsaitləri hesabına verilən adi və güzəştli ipoteka kreditləri üzrə ilkin ödəniş nisbətini 20% və 15%-dən 50%-ə qədər qaldırblar.

Məsələn, “Bank Respublika” adi və güzəştli ipoteka üzrə 50%, “Bank Standard” QSC və "Muğanbank" adi ipoteka üzrə 40%, "Xalq" Bankı ASC və "AGBank" isə 30% ilkin ödəniş tələb edir.

“Azərbaycan İpoteka Fondu”ndan bildirilib ki, Fondun vəsaitləri ilə ipoteka kreditlərinin verilməsi qanunvricilik ilə tənzimlənir. Qanunvericilik müvəkkil banklara müəyyən səlahiyyətlər verir və yalnız ilkin ödəniş nisbətinin aşağı sərhəddini müəyyənləşdirir. İlkin ödəniş 15-20%-dən də yüksək nisbətlərdə tələb oluna bilər.

“Azərbaycan İpoteka Fondunun İnternet resurslarında ipoteka kreditləri barədə bütün məlumatlar yerləşdirilib”, - Fonddan bildirilib.

Banklardan bildirdilər ki, ipoteka kreditləri üzrə 30-50% ilkin ödəniş 2015-ci ilin əvvəlindən, hətta devalvasiyadan öncə tələb olunur və bununla bank öz risklərini azaltmış olur.

Qeyd edək ki, ilin sonuna qədər daşınmaz əmlakın qiymətinin 15-20% ucuzlaşacağı gözlənilir. Həm manatın yenidən ucuzlaşacağı narahatlıqları, həm də daşınmaz əmlakın qiymətinin aşağı düşəcəyi barədə proqnozlar bankları ehtiyatlı olmağa vadar edir.

QANUNVERİCİLİKDƏ MİNİMUM NİSBƏT GÖSTƏRİLİR

“Azərbaycan Respublikasının Milli Bankı nəzdində Azərbaycan İpoteka Fondunun vəsaiti hesabına ipoteka kreditlərinin verilməsi Qaydaları”na görə, kreditin məbləği kreditin verildiyi tarixə ipoteka ilə yüklü edilən daşınmaz əmlakın bazar qiymətinin 85%-dən çox olmamalıdır. Yəni, ilkin ödəniş minimum 15% müəyyən edilir. Banklar bu nisbətdən daha yüksək səviyyədə ilkin ödəniş tələb edə bilərlər.

Məlumat üçün bildirək ki, adi ipoteka maksimal illik 8% dərəcəsilə 25 ilədək, güzəştli ipoteka isə maksimal 4% dərəcəsilə 30 ilədək verilir. Hər iki ipoteka üzrə kreditin maksimal məbləği 50 min manatdır. İlkin ödəniş minimum 20% (Adi) və 15% (Güzəştli) təşkil edir.

Bankın adı

İlkin ödəniş faizi

(adi)

İlkin ödəniş faizi

(güzəştli)

“Muğanbank” ASC

40

15

"Bank Respublika" ASC

50

50

"Azərbaycan Beynəlxalq Bankı" ASC

40

15

"Kapital Bank" ASC

20

15

"Zaminbank" ASC

20

15

"AtaBank" ASC

40

40

"NBCBank" ASC

30

30

"Gəncəbank" ASC

20

15

"Nikoyl" İKB ASC

30

15

"PAŞA Bank" ASC

40

20

"UniBank" KB ASC

30

30

"Turanbank" ASC

30

30

"Bank Technique" ASC

20

15

"KredoBank" ASC

20

15

"Qafqaz İnkişaf Bankı" ASC

20

15

"Express Bank" ASC

40

40

"AFB Bank" ASC

20

15

Azər-Türk Bank ASC

30

25

Caspian Development Bank

20

15

Bank Silk Vey ASC

20

15

Bank "BTB" ASC

20

15

Bank of Baku ASC

30

15

"Bank Avrasiya" ASC

20

15

"Dəmirbank" ASC

20

15

"AGBank" ASC

30

30

"Bank Standard" QSC

40

30

"Xalq" Bankı ASC

30

30

"Yapi Kredi Bank" QSC

30

30

"Amrah Bank" ASC

30

15

adviad