Finss.az - Çinin Dongfeng şirkətinin premium markası Voyah, Free+ adlı yenilənmiş krossover modelinin satışına başlayıb.

Modelin qiyməti 219 900–279 900 yuan aralığında müəyyən edilib. Satış başladıqdan cəmi 15 dəqiqə sonra 11,6 min sifariş qəbul olunub ki, bu da markaya olan böyük marağın göstəricisidir.

Yenilənmiş SUV modelində dizayn və texniki göstəricilər təkmilləşdirilib. Yeni elektrik-hibrid güc qurğusu, daha geniş salon və qabaqcıl süni intellekt texnologiyası ilə təchiz olunub. Avtomobilin maksimal yürüş ehtiyatı 1458 km, sürətli doldurma isə cəmi 20 dəqiqə çəkir.

Modeldə istifadə olunan Huawei ADS 4 avtopilot sistemi və 29 sensorla təchizat, avtomobili Çində texnologiya yönümlü bazarda rəqabətə davamlı edir. Free+ modelinin uğurlu startı, həm Dongfeng üçün, həm də Çin elektromobil bazarı üçün mühüm bir dönüş nöqtəsi kimi qiymətləndirilir.

Analitiklərin fikrincə, Voyah Free+ satış göstəriciləri yaxın aylarda həm daxili, həm də beynəlxalq sərmayəçilərin diqqətini cəlb edə bilər.