"Rabitəbank" ASC, Aqrar Kredit və İnkişaf Agentliyinin (AKİA) dəstəyi ilə fermerlər və kiçik təsərrüfat sahiblərinə Mikro Kreditlər təklif edir.

Finss.az xəbər verir ki, bu kreditlər, kənd təsərrüfatı sahəsində fəaliyyət göstərən sahibkarların ehtiyaclarını qarşılamaq və onların inkişafını dəstəkləmək məqsədilə təqdim olunur.

Mikro Kreditlər, aqrotexniki qulluq, gübrə və yem alınması üçün nəzərdə tutulub. Kredit məbləği 15 000 AZN-ə qədərdir və faiz dərəcəsi 12% olaraq müəyyən edilmişdir. Kreditin müddəti 12 ay olmaqla, aqrotexniki qulluq və gübrə kreditləri üçün 7 ay, yem krediti üçün isə 6 ay güzəşt müddəti təklif olunur.

Bu kreditlər fərdi sahibkarlar və hüquqi şəxslər üçün nəzərdə tutulub. Kredit almaq üçün tələb olunan sənədlər arasında şəxsiyyəti təsdiq edən sənəd, elektron Kənd Təsərrüfatı İnformasiya Sistemində qeydiyyat, torpaq sənədi, həmçinin müvafiq təchizatçılarla bağlanmış müqavilələr yer alır.

Mikro Kreditlər, annuitet ödəniş forması ilə geri ödənilir və kreditlər üzrə haqq və komissiyalar 1-3% arasında dəyişir.

Ətraflı məlumat üçün keçid: //www.rabitabank.com/biznes/kreditler-biznes-aze/aqrar-kredit-ve-inkisaf-agentliyinin-desteyi-ile-mikro-kredit

Fuad Mədətov
Finss.az