- Türkiyəyə səfər edən azərbaycanlı səyahətçilər artıq İstanbulun seçilmiş ticarət mərkəzlərində Mastercard ilə edilən "Tax-Free" (vergisiz) alış-verişlər üçün əlavə 20% vergi geri ödənişindən yararlana bilərlər.
- Mastercard və “Global Blue” şirkəti Türkiyədə alış-verişi daha faydalı, maneəsiz və rəqəmsal cəhətdən səmərəli etmək üçün tərəfdaşlıq edirlər.
- Geri ödənişlər birbaşa müştərinin Mastercard kartına köçürülür – əlavə sənədləşmə tələb olunmur.
- Kampaniya innovativ ödəniş həlləri vasitəsilə Azərbaycan və Türkiyə arasında sərhədlərarası turizmi və iqtisadi əlaqələri gücləndirir.
Bakı, Azərbaycan. Noyabr 2025 — Mastercard dünyanın aparıcı vergisiz xidmət təminatçılarından olan “Global Blue” şirkəti ilə eksklüziv əməkdaşlıq sayəsində Türkiyəyə səfər edən azərbaycanlı turistlər üçün səyahət təcrübəsini genişləndirir. Yeni kampaniya çərçivəsində Türkiyədə Mastercard kartları ilə vergisiz alış-veriş edən Azərbaycandan olan səyahətçilər standart ƏDV geri ödənişindən əlavə 20% həcmində məbləğ də onların balansına qayıdacaq. Bununla da, xaricdə alış-veriş daha faydalı bir təcrübəyə çevrilir.
Azərbaycan və Türkiyə arasında turizmə və maneəsiz səyahətə dəstək
Azərbaycan və Türkiyə arasında səyahətlər artmaqda davam etdikcə, Mastercard xaricdəki azərbaycanlı kart sahiblərinə daha çox rahatlıq və dəyər qazandırmağı hədəfləyir. Kampaniya daha sadə və daha sərfəli “Tax-Free” (vergisiz) geri ödəniş prosesi ilə sərhədlərarası səyahətləri və alış-verişi təşviq etməklə yanaşı, Türkiyənin turizm iqtisadiyyatını dəstəkləyir və iki ölkə arasında iqtisadi əlaqələri gücləndirir.
Mastercard-ın Türkiyə və Azərbaycan üzrə baş meneceri Onur Faydacı bildirib ki, əsas hədəf beynəlxalq səyahətlərin hər mərhələsində istifadəçilərə dəyər qazandırmaqdır: “Global Blue ilə bu tərəfdaşlıq sayəsində Türkiyəyə səfər edən azərbaycanlı səyahətçilər artıq əlavə qənaət və daha rahat alış-veriş təcrübəsindən yararlana bilərlər. Bu, səyahəti daha gəlirli və yaddaqalan edən, eyni zamanda turizm sektoruna və yerli biznesə töhfə verən bir üstünlükdür”.
Kampaniya necə işləyir
Türkiyəyə gələn turistlər İstanbuldakı İstinye Park, Emaar Meydanı Ticarət Mərkəzi və Zorlu Mərkəzindəki seçilmiş mağazalarda Mastercard kartları ilə alış-veriş edərkən standart ƏDV geri ödənişinə əlavə olaraq 20% həcmində məbləği də geri ala bilərlər.
Geri qaytarılan məbləğ birbaşa müştərinin Mastercard kartına köçürülür. İştirak etmək üçün alıcılar sadəcə Mastercard kartı ilə ödəniş etməli və mağaza işçilərinə kampaniya üçün qeydiyyatdan keçmək istədiklərini bildirməlidirlər.
Daha ətraflı: //www.globalblue.com/en/shoppers/promotions/6553-atd-extra-refund-mastercard
Mastercard haqqında
Mastercard dünya üzrə 200-dən çox ölkə və ərazidə iqtisadiyyatları və insanları dəstəkləyir. Müştərilərimizlə birgə hər kəsin inkiaf edə biləcəyi dayanıqlı iqtisadiyyat qururuq. Biz geniş çeşiddə rəqəmsal ödəniş seçimlərini dəstəkləyir, əməliyyatları təhlükəsiz, sadə, ağıllı və əlçatan edirik. Texnologiyamız və yeniliklərimiz, tərəfdaşlıqlarımız və şəbəkələrimiz birləşərək insanlara, müəssisələrə və hökumətlərə ən böyük potensiallarını reallaşdırmağa kömək edən unikal məhsul və xidmətlər dəsti təqdim edir.
“Global Blue” şirkəti haqqında
“Global Blue” şirkəti 1980-ci ildə İsveçdə təsis edilib. Hazırda dünyanın 50-dən çox ölkəsində fəaliyyət göstərən bu maliyyə texnologiyası şirkətinin baş ofisi İsveçrənin Nyon şəhərində yerləşir. Şirkət turistlərə vergisiz alış-veriş həlləri vasitəsilə alış-verişdən sonra ƏDV geri ödənişlərini təhlükəsiz və sürətli almağa kömək edir. Bundan başqa, pərakəndə satış şirkətlərinin beynəlxalq səyahət bazarından gəlirlərini artırmalarına kömək edən ödəniş və rəqəmsal marketinq həlləri təklif edir.