Finss.az - Bazar ertəsi günü, ABŞ dollarının Hindistan rupisinə qarşı məzənnəsi tarixdə ilk dəfə olaraq 87 rupiya/$1 səviyyəsini keçdi.

Bu, ABŞ Prezidenti Donald Trampın Kanadaya, Meksikaya və Çinə qarşı yeni idxal rüsumları tətbiq etməsindən sonra Asiya valyutaları və səhmlərinin dəyərdən düşməsi ilə əlaqədar baş verdi.

Dolların qiyməti 87,14 rupiya təşkil etdi. Cümə günü bu göstərici 86,7 rupiya idi, amma gün ərzində məzənnə tarixdə ən yüksək 87,23 rupiyaya çatdı.

Tramp, 4 fevral tarixindən qüvvəyə minəcək yeni rüsumlar barədə fərmanı keçən şənbə imzalayıb. Bu tədbir, Meksikadan və Kanadadan gətirilən mallara 25%, Çindən isə 10% rüsum tətbiq edəcək. Eyni zamanda, Tramp Avropa İttifaqından olan mallara qarşı da əlavə rüsumlar tətbiq etməyi planlaşdırır.

Yeni iqtisadi tədbirlər dünya iqtisadiyyatı ilə bağlı narahatlıqları artırır və bu, investorları dollar kimi qorunmalı aktivlərə yönləndirir. Bundan əlavə, Hindistanın ÜDM artımının yavaşlaması və neftin qiymətlərinin yüksəlməsi də ölkənin cari əməliyyat hesabının kəsirini daha da dərinləşdirə bilər.

Ekspertlər, yeni rüsumların qlobal iqtisadiyyata mənfi təsir göstərərək dünya bazarlarında qeyri-müəyyənliyi artıracağını bildirirlər.