Finss.az – ABŞ fond bazarlarında cümə axşamı günü pozitiv dinamika müşahidə olunub.

Əsas indekslər — Dow Jones, SP 500 və Nasdaq Composite günü artımla başa vurublar. Bu artıma bir sıra iri texnologiya şirkətlərinin güclü maliyyə göstəriciləri və investorların optimist əhval-ruhiyyəsi səbəb olub.

İqtisadi göstəricilər:

• İstehsalat sektorunda aktivlik zəifləyib – ABŞ-da istehsal sektorunu əks etdirən ISM Manufacturing indeksi apreldə 48,7 bənd təşkil edib. Bu, ötən ayla müqayisədə azalma deməkdir (martda 49 bənd idi). Analitiklər isə daha güclü eniş – 48 bənd gözləyirdilər.

• İşsizlik müraciətləri artıb – Ötən həftə ərzində işsizlik müavinəti üçün ilk dəfə müraciət edənlərin sayı 18 min nəfər artaraq 241 minə çatıb.

Texnologiya nəhəngləri gözləntiləri üstələdi:

• Microsoft Corp. səhmləri 7,6% bahalaşıb. Şirkət 3-cü maliyyə rübündə hər səhmə görə $3,46 xalis mənfəət əldə edib. Bu, analitiklərin proqnozlaşdırdığı $3,22-dən xeyli yüksəkdir. Bundan əlavə, “Azure” bulud xidmətlərindən gəlirin 34-35% artacağı proqnozlaşdırılır. Şirkət həmçinin Xbox oyun konsollarının qiymətini $100 artırdığını elan edib.

• Meta Platforms səhmləri 4,2% artıb. Şirkətin 2024-cü ilin ilk rübündə gəliri 16% artaraq $42,31 milyard təşkil edib. Gözləntilər $41,4 milyard idi. Hər səhm üçün xalis mənfəət $6,43 olub (proqnoz $5,28).

Digər böyük şirkətlərin səhmlərində artım:

• Amazon.com Inc. – +3,1%

• Nvidia Corp. – +2,5%

• Apple Inc. – +0,4%

• Caterpillar – +1,5%

• Goldman Sachs – +1,2%

• JPMorgan Chase Co. – +0,9%

Uğursuz performanslar:

• Eli Lilly səhmləri 11,7% ucuzlaşıb. Şirkət güclü rüblük nəticələrə baxmayaraq, 2025-ci il üçün mənfəət proqnozunu aşağı salıb.

• McDonald's Corp. səhmləri 1,9% dəyər itirib. Şirkətin qlobal satışları 1% azalıb, bu isə analitiklərin 0,5% artım proqnozu ilə ziddiyyət təşkil edir.

İndekslərin yekun göstəriciləri:

• Dow Jones – +0,21% (40 752,96 bənd)

• SP 500 – +0,63% (5 604,14 bənd)

• Nasdaq Composite – +1,52% (17 710,74 bənd)