Finss.az xəbər verir ki, neft qiymətləri çərşənbə səhəri bir qədər yüksəlib. Bu, bir gün əvvəl beş həftənin minimum səviyyəsinə düşməsindən sonra baş verib.

İnvestorlar ABŞ prezidenti Donald Trampın Rusiya neftinin alıcılarına qarşı sanksiyalarla bağlı qərarını gözləyirlər. Tənzimləyici tədbirlərin qlobal neft təklifinə təsir edə biləcəyi ehtimal olunur.

Moskva vaxtı ilə saat 08:13-də London ICE Futures birjasında Brent markalı neftin oktyabr fyuçersləri bir barel üçün 68,06 dollar təşkil edib. Bu, əvvəlki sessiyaya nisbətən 0,42 dollar və ya 0,62% artım deməkdir. Qeyd edək ki, çərşənbə axşamı Brent nefti 1,12 dollar və ya 1,63% ucuzlaşaraq 67,64 dollar/barel olmuşdu.

Nyu-York NYMEX birjasında WTI markalı neftin sentyabr fyuçersləri isə 0,39 dollar (0,6%) bahalaşaraq 65,55 dollar/barel olub. Əvvəlki sessiyada bu müqavilələr 1,13 dollar (1,7%) ucuzlaşmış və 65,16 dollar/barel səviyyəsinə düşmüşdü.

Hazırkı artım neft bazarında qeyri-müəyyənliyin və geosiyasi risklərin artdığı bir dövrdə baş verir.