Finss.az - 12 avqust 2025-ci il tarixində Bakı Fond Birjasının Listinq Komitəsi BOKT "International" ASC-nin istiqrazlarının ticarətə buraxılması üçün “Ticarətə İcazə” verib. İlk hərrac 19 avqust 2025-ci il tarixində uğurla yekunlaşıb və istiqrazlar Standart Bazar Listinq seqmentinə daxil edilib.

BOKT "International" ASC-nin AZ2036021023 ISIN kodlu istiqrazları faizli, təmin edilməmiş sənədsiz adlı formatda kütləvi və rəqabətli hərrac üsulu ilə yerləşdirilib.

Hərrac nəticələrinə görə:

• İstiqrazların sayı: 10,000 ədəd

• İlkin ticarət qiyməti: 100 AZN

• Buraxılış həcmi: 1,000,000 AZN

• İllik gəlirlilik faizi: 18%

• Minimal və Maksimal qiymət: 100 AZN

• Kəsmə və Ortaçəkili qiymət: 100 AZN

• Reallaşdırılmış həcmi: 1,000,000 AZN

• İnvestor sayı: 50

• Sifariş sayı: 50

• Ödəmə Periodu: hesablanmış faizlər hər 30 gündə bir ödəniləcək

• Tədavül müddəti: 3 il

• Anderrayter: “PAŞA Kapital İ.Ş.” QSC

İstiqrazlar üzrə ödəniləcək faizlər buraxılış tarixindən etibarən hər 30 gündə investorların hesablarına köçürüləcək. İlk hərrac zamanı investorlar tərəfindən sifarişlərin ümumi həcmi nominal qiymətlə 1 milyon AZN təşkil edib.

Bakı Fond Birjasının “Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”-nın 3.19 bəndinə uyğun olaraq, istiqrazlar Standart Bazar Listinq seqmentində ticarətə çıxarılıb.

Eləcədə bax: ABŞ dolları sabit qaldı, avroda cüzi dəyişiklik müşahidə olunur