12 avqust 2025-ci il tarixində Bakı Fond Birjasının Listinq Komitəsi "KREDİT EVİ" ASC-nin istiqrazlarının ticarətə buraxılması üçün “Ticarətə İcazə” verib. İlk hərrac 19 avqust 2025-ci il tarixində uğurla yekunlaşıb və istiqrazlar Standart Bazar Listinq seqmentinə daxil edilib.

"KREDİT EVİ" ASC-nin AZ2003021493 ISIN kodlu istiqrazları faizli, təmin edilməmiş sənədsiz adlı formatda kütləvi və rəqabətli hərrac üsulu ilə yerləşdirilib.

Hərrac nəticələrinə görə:

• İstiqrazların sayı: 3,000 ədəd

• İlkin ticarət qiyməti: 1,000 AZN

• Buraxılış həcmi: 3,000,000 AZN

• İllik gəlirlilik faizi: 17%

• Minimal və Maksimal qiymət: 100 AZN

• Kəsmə və Ortaçəkili qiymət: 100 AZN

• Reallaşdırılmış həcmi: 3,000,000 AZN

• İnvestor sayı: 50

• Sifariş sayı: 50

• Ödəmə Periodu: ildə 360 gün götürülməklə, hər 30 təqvim günündən 3 iş günündən gec olmayaraq ödəniləcək

• Tədavül müddəti: 5 il

• Anderrayter: “PAŞA Kapital İ.Ş.” QSC

İstiqrazlar üzrə ödəniləcək faizlər buraxılış tarixindən etibarən müvafiq qaydada investorların hesablarına köçürüləcək. İlk hərrac zamanı investorlar tərəfindən sifarişlərin ümumi həcmi nominal qiymətlə 3 milyon AZN təşkil edib.

Bakı Fond Birjasının “Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”-nın 3.19 bəndinə uyğun olaraq, istiqrazlar Standart Bazar Listinq seqmentində ticarətə çıxarılıb.