Finss.az xəbər verir ki, Neft qiymətləri bazar ertəsi günortadan sonra əvvəlki sessiyadakı kəskin enişdən sonra qalxmağa davam etdi.

Londonun ICE Futures birjasında dekabr ayı üzrə Brent markalı neftin fyuçersləri Moskva vaxtı ilə saat 14:15-ə olan məlumata görə, bir barel üçün 0,94 dollar (1,5%) artaraq 63,67 dollar olub.

Nyu-York əmtəə birjasında (NYMEX) noyabr ayı üçün WTI neftinin fyuçersləri 1,03 dollar (1,75%) artaraq 1 barelə görə 59,93 dollar təşkil edib.