Çərşənbə axşamı axşam saatlarında neftin bahalaşması sürətlənib.

Finss.az xəbər verir ki, Londonun ICE Futures birjasında Brent markalı neftin iyul fyuçerslərinin qiyməti, Moskva vaxtı ilə saat 17:30-a olan məlumata görə, bir barel üçün 1,27 dollar (1,96%) artaraq 66,23 dollar olub.

Nyu-York əmtəə birjasında (NYMEX) iyun ayı üçün WTI markalı neftin fyuçersləri bu vaxta qədər 1,38 dollar (2,23%) artaraq 63,33 dollar/barelə çatıb.

Hər iki marka ABŞ-ın əksər Çin mallarına tarifləri 30%-ə, Pekinin isə Amerika mallarına rüsumları 10%-ə endirəcəyi xəbəri ilə günü iki həftənin ən yüksək həddə bağladı. Ağ Evdən bildiriblər ki, dəyişikliklər mayın 14-də qüvvəyə minəcək və 90 gün ərzində qüvvədə olacaq.

PVM analitiki Tamas Varqa qeyd edib ki, bazar indi belə bir “ticarət barışığının” mümkün nəticələrini qiymətləndirir.