Finss.az xəbər verir ki, Braziliyanın Mədən və Energetika Nazirliyi növbəti iki il ərzində neft sənayesindən təxminən 35 milyard real (6,2 milyard dollar) cəlb edəcək bir sıra addımlar atmağa hazırlaşır.

Departamentin rəhbəri Aleksandr Silveyra prezident Luiz İnasio Lula da Silvaya neft kəşfiyyatı lisenziyalarının satışı və neft vergilərinin hesablanması üçün istifadə olunan istinad qiymətlərinə yenidən baxılmasını əhatə edən tədbirləri təqdim edib, nazirliyin açıqlamasında deyilir.

Bu cür tədbirlər təsdiqlənərsə, hökumətə büdcəyə daha çox vəsait cəlb etməyə kömək edəcək və bir sıra maliyyə əməliyyatları üzrə vergi dərəcələrinin mübahisəli artırılmasına alternativ olacaq.

Keçən həftə beynəlxalq reytinq agentliyi Moody's daha böyük büdcə kəsiri gözləntilərinə görə Braziliyanın reytinq proqnozunu "müsbət"dən "stabil"ə dəyişdi.