Neft-qaz və qeyri-neft-qaz sektorlarına sərmayə istiqamətləri

Finss.az - 2025-ci ilin yanvar-iyul aylarında Azərbaycanda əsas kapitala 9 911,8 milyon manat investisiya yönəldilib ki, bu da əvvəlki ilin müvafiq dövrü ilə müqayisədə 3,4% çoxdur.

Dövlət Statistika Komitəsinin məlumatına görə:

• Neft-qaz sektoruna yönəldilmiş investisiyalar 18,4% azalıb.
• Qeyri-neft-qaz sektoruna yönəldilmiş investisiyalar isə 15,0% artıb.

İnvestisiyanın bölgüsü üzrə:

• 5 046,1 milyon manat (50,9%) məhsul istehsalı sahələrinə
• 3 335,2 milyon manat (33,7%) xidmət sahələrinə
• 1 530,5 milyon manat (15,4%) yaşayış evlərinin tikintisinə sərf olunub

Əsas kapitala yönəldilmiş investisiyaların 7 598,7 milyon manatı (76,7%) daxili investisiyalardan ibarətdir.

Tikinti-quraşdırma işləri üzrə sərmayələr: 7 822,3 milyon manat (78,9%) birbaşa tikinti-quraşdırma işlərinə sərf olunub.

Fuad Mədətov
Finss.az