Finss.az xəbər verir ki, Aİ ölkələrində gözlənilən orta iş ömrü 2023-cü ildəki 36,9-dan 2024-cü ildə 37,2 ilə qədər artıb, Aİ statistika idarəsi (Eurostat) bildirib.

Göstərici keçən il 15 yaşı olan şəxsin ömrü boyu neçə il əmək qabiliyyətli əhali arasında qalacağına dair proqnozdur.

Aİ ölkələri arasında ən uzun iş ömrü Hollandiyada (43,8 il), İsveçdə (43 il) və Danimarkada (42,5 il) gözlənilir. Ən qısa iş müddəti Rumıniyada (32,7 il), İtaliyada (32,8 il), həmçinin Xorvatiya, Yunanıstan və Bolqarıstanda (34,8 il) gözlənilir.

Almaniyada bu göstərici 40, Fransada 37,2, İspaniyada 36,5 il olub.

Aİ-də kişilər üçün orta iş ömrü 39,2 il, qadınlar üçün isə 35 il olub. İndi 4,2 il olan bu göstəricidəki fərq 2001-ci ildən, yəni 7 il olduğundan xeyli azalıb.

Estoniya qadınların kişilərdən daha çox işlədiyi yeganə ölkədir. Litvada və Latviyada hər iki cinsin göstəriciləri demək olar ki, eynidir.

Statistika idarəsinin açıqlamasında 2001-ci ildən bəri Avropada iş ömrünün uzunluğu durmadan artır, lakin 2020-ci ildə COVID-19 pandemiyası səbəbindən azalıb. 2001-ci ildə bu göstərici 32, 2014-cü ildə 34,8, 2019-cu ildə 35,9, sonra isə 2020-ci ildə 35,6 yaşa düşüb.