Finss.az – Bank Indonesia Çərşənbə günü əsas faiz dərəcəsini 25 baza bəndi azaldaraq illik 5%-ə endirib. Bu, 2022-ci ilin oktyabrından bəri ən aşağı səviyyədir.

Bankın açıqlamasına görə, yeddi günlük repo dərəcəsi 5,25%-dən 5%-ə, overnayt kredit və depozit faizləri isə müvafiq olaraq 5,75% və 4,25%-ə endirilib.

Trading Economics-in məlumatına görə, analitiklər bu addımı gözləmirdilər və faiz endirimi sürpriz kimi qiymətləndirilib. Mərkəzi bank bu qərarla iqtisadiyyatın dayanıqlı artımını və borclanma xərclərinin azaldılmasını dəstəkləməyi planlaşdırır.