BƏƏ-nin Sudandan gələn yüklərə tətbiq etdiyi qadağa artıq neft tədarükünə təsir göstərməyə başlayıb. Cənubi Sudandan 80 min ton Dar Blend xam neft daşıyan “Pola” tankeri bir həftədir ki, Füceyrə limanına daxil ola bilmir. Gəmi, çox güman ki, yükünü Sinqapurda boşaltmalı olacaq.

Tankerin icarəçisi Vitol Group, operatoru isə Yunanıstanın Dynacom Tankers şirkətidir. Qadağa Sudan hökuməti ilə BƏƏ arasında münasibətlərin gərginləşməsi fonunda tətbiq olunub.

“Dar Blend” nefti əsasən Cənubi Sudanda hasil olunur və qonşu Sudan limanlarından ixrac edilir. Son aylarda bu növ neft əsasən Malayziya və Sinqapur istiqamətinə göndərilib.