2025-ci ilin əvvəlində Azərbaycan Dövlət Neft Şirkəti (SOCAR) insan kapitalının inkişafı sahəsində Brandon Hall Group “Human Capital Management Excellence” mükafatının qalibləri sırasında yer alıb. SOCAR-ın Baş Ofisinin İnsan Kapitalı və İnklüzivlik (İKİ) seqmenti tərəfindən həyata keçirilən bir sıra layihələr və proqramlar Brandon Hall Group tərəfindən müxtəlif kateqoriyalar üzrə yüksək nəticə göstərib.

Bu barədə Finss.az SOCAR-a istinadən xəbər verir.

Xüsusilə, SOCAR “Enerji Liderləri” və “Performans mədəniyyətinin aşılanması” layihələri, həmçinin “Gənc İstedadlar” proqramı üzrə qızıl mükafatlara layiq görülüb. Eyni zamanda, şirkətin “HR AI chat-bot” layihəsi gümüş mükafat qazanıb.

Qeyd edək ki, Brandon Hall Group 30 ildən artıqdır ki, biznes, idarəetmə və insan kapitalının inkişafı sahəsində qabaqcıl şirkətlərin uğurlarını dəyərləndirir. Bu mükafatlar tətbiq edilən proqramların əməkdaşlara və şirkətlərə ölçülə bilən dəyər qazandırmaq bacarığına görə təqdim olunur.

Fuad Mədətov
Finss.az