Finss.az xəbər verir ki, Uorren Baffetin Amerika investisiya şirkəti Berkshire Hathaway Yaponiyanın Mitsubishi Corp ticarət evindəki payını artırıb.

Mitsubishi-nin məlumatına görə, Berkshire-ın 100% törəmə şirkəti olan National Indemnity əlavə səhmlər alıb və nəticədə şirkətin səsvermə hüquqlarındakı payı 9,7%-dən 10,2%-ə yüksəlib.

Berkshire Hathaway Mitsubishi və digər dörd Yapon ticarət evinin səhmlərini 2019-cu ilin iyul ayında almağa başlayıb. Warren Buffett həmin vaxt bu şirkətlərin idarəçiliyini, səhmdarlara yanaşmasını və kapitaldan istifadəsini yüksək qiymətləndirmişdi.

 Xatırladaq ki, 2025-ci ilin mart ayında Berkshire Mitsubishi-dəki payını 8,3%-dən 9,7%-ə yüksəltdiyini açıqlamışdı.

Bu addım Buffett-in Yaponiyanın böyük ticarət şirkətlərinə uzunmüddətli inamını bir daha göstərir.