Finss.az - 2025-ci il dövlət büdcəsində səhiyyə xərcləri əvvəlki təsdiq olunmuş göstəriciyə nisbətən azaldılıb. Təsdiq olunmuş 1 993,6 milyon manata qarşı, səhiyyə üçün ayrılan vəsait 1 969,7 milyon manat səviyyəsində proqnozlaşdırılır ki, bu da 23,9 milyon manat və ya 1,2% azalma deməkdir.

Maliyyə Nazirliyinin məlumatına görə, bu dəyişiklik dövlət büdcəsinin xərclərində ümumi ixtisarlar çərçivəsində həyata keçirilir. Səhiyyə xərcləri arasında xəstəxanaların saxlanılması, tibb mərkəzlərinin fəaliyyətinin maliyyələşdirilməsi, tibbi tədqiqatlar və digər tibbi xidmətlərə vəsait yönəldiləcək.

Büdcədə bu ixtisarların əsas məqsədi digər sosial və iqtisadi sahələrdə balansın təmin edilməsi və maliyyə vəsaitlərinin daha səmərəli istifadə olunmasıdır.