Finss.az xəbər verir ki, məşhur italyan dizayner Giorgio Armani-nin vəfatından sonra onun varisləri La Repubblica qəzetinin dərc etdiyi vəsiyyətnaməyə əsaslanaraq şirkətin gələcəyi ilə bağlı ciddi qərarlar vermək səlahiyyətinə sahib olublar.

Giorgio Armani S.p.A. şirkətinin 15%-nin dizaynerin ölümündən sonra 18 ay ərzində, əlavə 30%-dən 54,9%-ə qədər hissəsinin isə növbəti 3-5 il ərzində eyni alıcıya satılması vəsiyyətnamədə açıq şəkildə göstərilib.

Dizayner öz vəsiyyətnaməsində şirkətin satışı üçün LVMH, L’Oreal və EssilorLuxottica kimi dünyaca məşhur lüks mal nəhənglərini prioritet alıcılar kimi qeyd edib. Bu isə o deməkdir ki, Armani brendi yaxın illərdə ya satılacaq, ya da IPO (Initial Public Offering) yolu ilə ictimaiyyətə təqdim olunacaq.

Armani-nin bu qərarı brendin uzunmüddətli davamlılığını və dəyərlərinin qorunmasını təmin etmək məqsədi daşıyır. Gözləntilərə görə, potensial alıcılar brendin müstəqilliyini mümkün qədər saxlamağa çalışacaqlar.