Finss.az xəbər verir ki, Almaniyanın enerji sektoru nəhəngi Uniper bu mövsüm qaz doldurma öhdəliyini yerinə yetirmədiyi üçün Avstriya sərhədində yerləşən Breitbrunn yeraltı qaz anbarını bağlamaq üçün icazə istəyib. 1996-cı ildə istifadəyə verilən bu qaz anbarının tutumu 1,1 milyard kubmetrdir və gündəlik maksimum hasilatı 14 milyon kubmetr təşkil edir.

Hazırda Avropadakı yeraltı qaz anbarlarının orta doluluq səviyyəsi 82,5% olduğu halda, Breitbrunn anbarı yalnız 57% doludur. Almaniyanın ümumi qaz anbarları tutumu 24 milyard kubmetr, Uniper-in isə 6 milyard kubmetrdir.

Uniper-in doldurma öhdəliyini yerinə yetirməməsi Avropada enerji təhlükəsizliyi və qaz ehtiyatlarının idarə olunmasında risklər yarada bilər. Bu isə qış mövsümündə qaz təchizatının dayanıqlığı üçün əlavə çağırışlar deməkdir.