Finss.az xəbər verir ki, Gucci, Bottega Veneta və Balenciaga kimi məşhur brendlərin sahibi olan Fransız holdinqi Kering SA, gözəllik seqmentini L’Oréal şirkətinə 4 milyard avro müqabilində satmağa razılaşıb. Bu, L’Oréal tarixində ən iri satınalma əməliyyatı sayılır.

Əməliyyat nağd şəkildə həyata keçiriləcək və 2026-cı ilin birinci yarısında tamamlanması planlaşdırılır. Razılaşmaya əsasən, L'Oréal Creed ətir xəttini və Gucci, Balenciaga, Bottega Veneta kimi brendlərin altında gözəllik və ətir məhsulları istehsal etmək hüququnu 50 illik eksklüziv lisenziya ilə əldə edəcək.

L'Oréal, həmçinin bu brendlər üzrə istifadəyə görə Kering-ə müntəzəm qonorar ödəyəcək. Bu strateji addım, L’Oréal-ın lüks ətir və kosmetika bazarındakı liderliyini daha da möhkəmləndirəcək.