Finss.az xəbər verir ki, ABŞ səhm indeksləri cümə günü güclü şəkildə yüksələrək sessiyanı rekord həddə bağladı.

Bazarın yüksəlişi sentyabr ayında ABŞ inflyasiyasının gözləniləndən daha az sürətləndiyini göstərən məlumatlarla gücləndirilib. ABŞ Əmək Departamentinin məlumatına görə, ölkədə istehlak qiymətləri inflyasiyası ötən ay avqust ayında 2,9%-dən illik müqayisədə 3%-ə yüksəlib. Trading Economics tərəfindən sorğu edilən analitiklər orta hesabla inflyasiyanın 3,1%-ə yüksələcəyini proqnozlaşdırıblar.

Bu məlumatlar investorların Federal Ehtiyat Sisteminin (FED) bu il qalan iki iclasının hər birində baza faiz dərəcəsini endirəcəyinə inamını artırıb.

Reuters agentliyinin verdiyi məlumata görə, Carson Group şirkətinin analitiki Rayan Detrik bildirib ki, "Sentyabr ayındakı inflyasiya məlumatları FED-in oktyabr iclasında və ehtimal ki, dekabr ayında faiz dərəcəsini endirməsinə yol açdı".