Finss.az - “Caspian Invest BOKT”, “KolleKTA MMC” və “High Finance MMC” problemli kreditlərin idarə olunması üzrə vakansiyalar elan edib.

Müvafiq olaraq hər üç şirkət gecikmiş ödənişlərlə işləmə bacarığına malik, ünsiyyətcil, stresə davamlı və məsuliyyətli mütəxəssislərlə əməkdaşlıq qurmaq niyyətindədir.

“Caspian Invest BOKT” tərəfindən yayımlanan vakansiyada təyin olunmuş kredit portfelinin idarə olunması, borclularla danışıqların aparılması və restrukturizasiya işlərinin təşkili əsas vəzifələr kimi göstərilir. Namizədlərdən müvafiq sahə üzrə minimum iki il iş təcrübəsi, maliyyə və hüquq bilikləri, eləcə də Microsoft Office proqramlarında işləmək bacarığı tələb olunur. İş saatları 09:00-dan 18:00-a qədər müəyyən edilib, əməkhaqqı isə razılaşma əsasında təyin olunur.
Əlaqə: [email protected]

“KolleKTA MMC” də problemli kreditlərlə bağlı vakansiya təqdim edib. Şirkət gecikmələrin təhlili, borcun restrukturizasiyası və ödəniş şərtlərinin dəyişdirilməsi istiqamətində işlərin aparılmasını mütəxəssisə həvalə edəcək. Namizəddən iqtisadiyyat, maliyyə və ya hüquq sahəsində ali təhsil, 2-3 il iş təcrübəsi, 1C proqramı ilə işləmək bacarığı, rus dili biliyi və analitik yanaşma gözlənilir. Əməkhaqqı 1000–1400 AZN aralığında dəyişir. İş qrafiki 6 günlükdür, şənbə günü yarım iş günü nəzərdə tutulub.
Əlaqə: [email protected]

“High Finance MMC” isə bu sahədə az təcrübəyə malik, lakin dinamik və öyrənməyə açıq mütəxəssisləri komandaya cəlb etmək istəyir. Burada əsas vəzifələr sırasına gecikmiş kredit portfelinin idarə olunması, müştərilərlə əlaqə saxlanılması və borcun geri qaytarılması üçün həll yollarının təklif edilməsi daxildir. Şirkət tərəfindən əməkhaqqı namizədin bacarığına əsasən təyin olunur və əlavə bonuslar nəzərdə tutulur.
Əlaqə: [email protected]

Hazırda üç fərqli şirkət tərəfindən elan olunan bu vakansiyalar maliyyə sahəsində ixtisaslaşmış şəxslər üçün peşəkar fəaliyyət sahəsində yeni imkanlar açır.