Finss.az - Avropa təbii qaz bazarında qiymətlər ABŞ-ın yeni tarif tədbirlərinin tətbiqinə hazırlaşan investorların təsiri ilə azalmağa davam edir.

Hollandiya standartı olan TTF müqaviləsi megavat-saat üzrə 0,6% ucuzlaşaraq 33,90 avro səviyyəsinə düşüb.

ANZ-in analitiklərinə görə, Çin iqtisadiyyatındakı gözləniləndən zəif artım enerji tələbatının azalmasına gətirib çıxaracaq. Xüsusilə, mayeləşdirilmiş təbii qazın (MTQ) istehlakı bu tendensiyadan ən çox təsirlənəcək sahələrdən biridir.

Yüksək tariflər ABŞ-a məxsus olmayan MTQ-nın Avropa və Asiya bazarına daha çox daxil olmasına şərait yaradacaq ki, bu da təklifin artması ilə qlobal MTQ qiymətlərinə təzyiqi gücləndirəcək.

Bu vəziyyət Avropanın qışa qədər qaz anbarlarını doldurmağına dair narahatlıqları azaldır. Gas Infrastructure Europe-un məlumatına görə, hazırda Avropa İttifaqı qaz anbarları 60% doludur.