“Azərbaycan Beynəlxalq Bankı”nın ötən ilin sonlarından istifadəyə verdiyi “Manat Express” yerli sürətli pul köçürmə sistemindən istifadə edən müştərilərin sayı getdikcə artmaqdadır. Bankdan fins.az-a verilən məlumata görə, təkcə sentyabr ayında bu sistemdən 5 mindən çox müştəri faydalanıb. “ManatExpress” –fiziki şəxslərə Azərbaycan ərazisində sürətli pul köçürmələrini daha sərfəli şərtlərlə həyata keçirməyə imkan verən bankdaxili sistemdir.

Bu sistemin əsas üstünlükləri ondan istifadənin son dərəcə sadəliyi, əməliyyatın cəmi bir neçə dəqiqə ərzində başa çatdırılması, ən əsası isə köçürmə tarifinin xeyli sərfəli olmasıdır. Belə ki, komissiya haqqı köçürülən məbləğin cəmi 0,4%-i (minimum 1 manat) təşkil edir.

“Manat Express” vasitəsilə “Azərbaycan Beynəlxalq Bankı”nın bütün filial və şöbələrində pul köçürmək olar. Eyni zamanda vəsaiti alan tərəf yalnız şəxsiyyət vəsiqəsini və köçürmənin kodunu təqdim etməklə ona çatacaq pulu Bankın istənilən filial və şöbələrindən götürə bilər.

36 filiala və 42 şöbəyə malik olan “Azərbaycan Beynəlxalq Bankı”nın digər məhsul və xidmətləri barədə daha ətraflı məlumatı www.ibar.az internet səhifəsindən, Bankın filial və şöbələrindən, yaxud (012) 937 və ya *2265 nömrəli Məlumat Mərkəzindən əldə etmək mümkündür.