"Caspian Development Bank (CDB)" ASC müştərilərə "Yenisinə dəyiş" konseptini təqdim edir.

Bankdan yaydığı məlumata görə, konseptin məqsədi müştərilərə bank sahəsi ilə əlaqəli bütün xidmət və məhsulları yenisinə dəyişmək təklifi etməkdir.

"Shamans Creativ" agentliyi ilə birgə hazırlanmış "Yenisinə dəyiş" konseptində “Avtomobil krediti”, “İpoteka krediti”, “Mikro kredit”, “Nağd kredit”, “Təmir krediti”, “Sürətli pul köçürmələri”, “Ödəniş kartları” və sair xidmət və məhsul növləri yer alıb.

"Əgər müştəri Mərkəzi Bankın məsuliyyətli krediləşdirmə üzrə tövsiyyələrinə uyğundursa, biz ona daha əlverişli şərtlər ilə kredit ayıracağıq. Kredit daha aşağı faizlə və komissiyasız veriləcəkdir. Müştəri əlverişli şərtlər ilə bizdən götürdüyü kredit ilə, nisbətən ağır şərtlər ilə götürdüyü əvvəlki kreditini bağlaya bilər",- Bankdan bildirildi.

Yeni yaranmasına baxmayaraq, CDB artıq bir çox yeniliklərə imza atıb. “Yenisinə dəyişin” konsepti də məhz bu yeniliklərin davamıdır. Bu konseptlə bank keyfiyyətli, operativ xidmət, müştəri məmnunluğu ilə yanaşı həmçinin bank sahəsində bir çox yeniliklər vəd edir.

2016-cı ildə bank öz məhsul və xidmətlərini məhz bu konsept altında ictimaiyyətə təqdim etməyi planlaşdırır.

Qeyd edək ki, “Caspian Development Bank (CDB)” ASC 1988-ci ildə “Universal Bank” Kommersiya Bankı kimi Azərbaycan Respublikasında qeydiyyatdan keçmiş ilk banklardan biridir. 24 sentyabr 2001-ci il tarixdə bankın adı dəyişilərək "Kövsər Bank"ASC, 26 yanvar 2015-ci il tarixdə isə “Caspian Development Bank (CDB)” ASC adı altında yeni lizensiya alınıb.