Azərbaycandakı bankomatların sayı may ayında 20 ədəd artaraq, 2573 ədəd təşkil edib. Bu barədə fins.az Mərkəzi Bankın yaydığı hesabata istinadən xəbər verir.

Ümumiyyətlə respublikada fəaliyyət göstərən bankomatların sayı 2015-ci ilin noyabr ayından başlayaraq azalmaqda davam edir. Həmin dövr üçün bankomatların sayı 2695 ədəd təşkil edib.

Bakıdakı bankomatların sayı bir ay ərzində 9 ədad artaraq, 1421-ə, regionlardakı bankomatların sayı isə 11 ədəd artaraq, 1152-yə çatıb.

POS terminalların sayı isə əksinə azalıb. POS terminalların sayı may ayında 15 ədəd azalaraq, 73 945-ə bərabər olub. Qeyd edək ki, POS terminalların sayı da 2015-ci ilin yanvar ayından etibarən azalır. Həmin dövr üçün bu göstərici 78 452 ədəd təşkil edib.

Cəmi POS terminalların 42 708-ü Bakının, 31 237-si isə regionların payına düşür. Bakıdakı POS terminalalrın sayı may ayında 54 ədəd azalaraq, 42708-ə, regiondakı POS terminalalrın sayı isə 39 ədəd artaraq, 31 237-ə bərabər olub.