Banklar 4%-lik marjanın ləğv edilməsindən sonra sərbəst məzənnələri elan etməyə başlayıblar. Fins.az xəbər verir ki, hərraca çıxarılan dollar kütləsi bankların ehtiyaclarını tam ödəməyib. Qıtlıq, eyni zamanda tələbatın yüksək olması, həmçinin satış məzənnəsinə qoyulan məhdudiyyətin götürülməsi dərhal dolların qiymətinə təsir edib. Hazırda banklarda dolların satış məzənnəsi 1.88 manata qədər yüksəlib. Bu, Mərkəzi Bankın orta çəkili məzənnəsindən 5.7%-ə yaxın yüksəkdir. Səhər saatlarında banklarda dolların satış qiyməti ilə günortadan sonra elan etdikləri məznnə arasında ciddi sıçrayışlar nəzərə çarpır.