2016-cı ilin nəticələrinə əsasən həyat sığorta bazarının vəziyyəti məlum olub. Fins.az-ın sığorta şirkətlərindən əldə etdiyi məlumata əsasən bu sığorta bazarı iqtisadi böhrana baxmayaraq ötən il böyüməyi bacarıb. Sığorta yığımları 25% artaraq 146,033 milyon manat olub. 2015-ci ildə 3 həyat sığorta şirkətinin ümumi yığımları 116,478 milyon manat təşkil etmişdi.
Sığorta yığımlarından fərqli olaraq ödənişlərin dinamikası daha yüksək olub. Belə ki,ötən il sığorta yığımları 77% artaraq 92,511 milyon manat təşkil edib. 2015-ci ildə həyat sığortası üzrə ödənişlərin ümumi həcmi 52,223 milyon manat olub.
“PAŞA Həyat”ın yığımları 42% artıb
Fins.az-ın məlumatına görə, yığımların və ödənişlərin həcminə görə, “Paşa Həyat” sığorta şirkəti liderdir. Şirkətin yığımları 2015-ci illə müqayisədə 42% artaraq 77,679 milyon manat olub. Ödənişlərin həcmi 2,8 dəfə artaraq 45,907 milyon manata yüksəlib. Sığorta şirkəti yığımların həcminə görə həyat bazarının 53%-nə, ödənişlərə görə 50%-nə sahib olub.
“Atəşgah Həyat” 2-ci olub
“Atəşgah Həyat” 2016-cı ildə bazar üzrə 2-ci pillədə qərarlaşıb. Sığorta şirkətinin ötən il üzrə yığımları 7% azalaraq 36,558 milyon manat olub. Ödənişləri isə əksinə 29% artaraq 27,563 milyon manat təşkil edib. Nəticədə sığorta şirkətinin zərərliliyi xeyli artıb. Şirkət həyat bazarındakı payı yığımlar üzrə 25%, ödənişlər üzrə 29 % təşkil edib.
“Qala Həyat” həyat sürətlə yüksəlir
“Qala Həyat” sığorta şirkətinin yığımları xeyli artsa da, həyat sığortası bazarı üzrə sonuncu pillədə qərarlaşıb. Sığorta şirkətinin yığımları ötən il 39 % artaraq 31,795, milyon manat, ödənişləri 8% artaraq 19,041 milyon manat təşkil edib. Sığorta şirkəti həyat bazarı üzrə yığımlara görə 22%, ödənişlər üzrə 21% paya malik olub.
“PAŞA Həyat”ın yığımlar üzrə bazarın yarısından çoxuna sahibdir. “Atəşgah Həyat” 2-ci, “Qala Həyat” sonuncudur.
|
Şirkətlər |
Yığımlar |
Bazar payı |
|
“PAŞA Həyat” |
77,679,000 |
53% |
|
“Atəşgah Həyat” |
36,558,825 |
25% |
|
“Qala Həyat” |
31,795,346 |
22% |
|
Şirkətlər |
Ödənişlər |
Bazar payı |
|
“PAŞA Həyat” |
45,907,000 |
50% |
|
“Atəşgah Həyat” |
27,563,223 |
29 % |
|
“Qala Həyat” |
19,041,481 |
21% |
Yığımlar dinamikasına görə, ən böyük artım “PAŞA Həyat”da müşahidə edilir. “Qala Həyat” dinamikaya görə, 2-cidir. “Atəşgah Həyat”da isə əksinə yığım dinamikası mənfiyə düşüb.
|
Şirkətlər |
Yığımlar |
Yığım dinamikasi |
|
|
2015 |
2016 |
||
|
“PAŞA Həyat” |
54,526,449 |
77,679,000 |
42% |
|
“Atəşgah Həyat” |
39,124,190 |
36,558,825 |
-7% |
|
“Qala Həyat” |
22,827,377 |
31,795,346 |
39% |
Ödəniş dinamikası hər 3 şirkətdə artan xətlə inkişaf edir. Ən böyük dinamika “PAŞA Həyat”dadır.
|
Şirkətlər |
Ödənişlər |
Ödəniş dinamikası |
|
|
2015 |
2016 |
||
|
“PAŞA Həyat” |
16,349,699 |
45,907,000 |
2,8 dəfə |
|
“Atəşgah Həyat” |
18,234,691 |
27,563,223 |
51% |
|
“Qala Həyat” |
17,649,084 |
19,041,481 |
8 % |
Ən maraqlı məsələlərdən biri bazar payı ilə bağlıdır.Son statistika göstərir ki, “Atəşgah Həyat”ın kiçilməsi hesabına digər iki şirkət bazar payını artırıb.
|
Şirkətlər |
Bazar payı, 2015 |
Bazar payı, 2016 |
|
“PAŞA Həyat” |
47 % |
53% |
|
“Atəşgah Həyat” |
33 % |
25% |
|
“Qala Həyat” |
20% |
22% |