Bu gün fevral ayının 3-də Azərbaycanın bəzi banklarında dollar və avronun satış qiymətinin aşağı düşdüyü müşahidə olunur. Fins.az xəbər verir ki, səhər saatlarında 1 dollar 1.9400 manatdan, 1 avro 2.0800 manatdan yüksək satılır.

Araşdırmaya əsasən məlum olub ki, dolları dünən 1.9580 manata satan “Accessbank”” bu gün 1.9300 manata satır. Avronu isə dünən 2.1333 manata, bu gün 2.0972 manata satır.

Dünən “AG Bank” 1 dolları 1.9650 manata satırdı. Bu gün isə bankda dolların məzənnəsi 1.9500 manat təyin olunub. (Avro 2.1388 manatdan 2.1250 manata enib).

“ASB Bank” bu gün 1 dolları 1.9500 manata satır. Dünən isə bu məbləğ 1.9600 manata bərabər olub (avro 2.14 manatdan 2.12 manata enib).

Dünən 1.9500 manata dolları satan “Bank of Baku” bu gün 1.9300 manata satır.

“CDB Bank” da dolların satış məzənnəsini ucuzlaşdırıb. Dünən 1.9700 manata satan bank bu gün ABŞvalyutasını 1.9550 manata təklif edir.