Bu ilin yanvarın 1-nə olan məlumata görə, bankların ümumi öhdəlikləri 29 milyard 531 milyon manat təşkil edib. Fins.az Maliyyə Bazarlarına Nəzarət Palatasının açıqlamasına əsasən xəbər verir ki, bu öhdəliklərdə depozitlərin cəmi payı 16 milyard manat olub.

Depozitlərin strukturuna nəzər salsaq görərik ki, ən böyük həcmini hüquqi şəxslərin tələbli depozitləri təşkil edir. Bu məbləği 8 milyard 978 milyon manat təşkil edir.

Fiziki şəxslərin depoziti isə 7 milyard 432 milyon manat olub. Burada müdddətli depozitlərin həcmi 5 milyard 671 milyon manat təşkil edib.

Fiziki şəxslərin tələbli depozitləri isə 1 milyard 761 milyon manat olub.

İcmala əsasən, bankların 2016-cı ildə buraxdığı qiymətli kağızların ümimi həcmi 387 milyon manat olub.

Ötən ilin nəticələrinə görə, banklar 250 milyon manat ümumi ehtiyatlara malikdir .Bankların cəmi kapitalı 1 milyard 909 milyon manatdır.