Ötən həftədən etibarən Bloomberg terminalı üzərindən manat dollar qarşısında bahalaşmağa başlayıb. Fins.az xəbər verir ki, yanvar ayının sonundan etibarən manat dollar qarşı 0,1% möhkəmlənmişdi. Mərkəzi Bankın dolları ucuzlaşdırmasından sonra Bloomberg üzərində manatın bahalaşma dinamikası daha da yüksəlib.

Bu gün dolların manat qarşısında məzənnəsi 1.8856 manat müəyyən edilib. Bu həftə sonu məzənnə ilə müqayisədə manatın 2.7% bahalaşması deməkdir. Qeyd edək ki, ötən cümə dollar günü 1.9367 kursu ilə başa vurmuşdu.

Xatırladaq ki, “Bloomberg” banklar arasında ticarət və valyuta hərracının nəticəsinə əsasən manatın məzənnəsini müstəqil şəkildə müəyyən edir.