Moody’s İnvestors Service beynəlxalq reytinq agentliyi ASC “Xalq” Bankın uzunmüddətli öhdəliklər reytinqini B2, proqnozu neqativ səviyyəsində saxladı. Əlavə olaraq Bankın qarşı tərəf riskinin dəyərləndirilməsi eyni səviyyədə təsdiqlənərək dəyişməz qalıb - B1(cr) / Not Prime(cr).

Perspektivləri dəyərləndirən Moody’s təhlilçiləri bəyan ediblər ki, Xalq Bankın reytinqinin təsdiqlənməsi bankın bazardakı güclü mövqeyi, sabit depozit bazası, gəlirliliyi, aktivlərin keyfiyyəti və yüksək kapitallaşma səviyyəsi kimi amillərə əsaslanır.

Məlumat üçün bildirmək istərdik ki, 2011-ci ildən başlayaraq Xalq Bank Moody`s İnvestors Service beynəlxalq reytinq agentliyi ilə əməkdaşlıq edir.