2017-ci ilin bəlkə də ən əhəmiyyətli trendi - digital bankların yaradılmasıdır. Fins.az-ın "Bi İntelligence"-in hesabatında istinadən verdiyi məlumata görə, digital bankların yaradılması müasir zamanənin tələbidir. Rəqəmsal inqilab bankların təsvirini tam dəyişəcək və bu proses artıq başlayıb.
İtaliya
Ötən ilin qış aylarında "UniCredit" qrup 2017-ci ildə yeni "Buddybank" adlı onlayn bankın açılışını elan edib. Qeyd edək ki, “buddy” tərcümədə dost anlayışını verir.
Servis müştərilərə 3 ənənəvi maliyyə məhsulları təqdim edəcək: cari hesablar, kredit və debet kartlar, kreditlər və konsyerj-servis xidməti. Konsyerj sizə restoranda masa bron etmək, taksi sifariş etmək və səyahət planlamaqda kömək olacaq. Bank fəaliyyətinin ilk beşilliyində İtaliyada 1 milyon müştəri cəlb etmək niyyətindədir.
Eləcə də bax: Azərbaycan bankları çətin durumda – HESABLAR XARİCƏ KÖÇÜR
Birləşmiş Ərəb Əmirliyi
"ХХI-ci əsrdə ХV-ci əsrin bank modelləri ilə işləmək olmaz. Dünənin bank işi ilə sağollaşın və bügünkü günlə yaşayın". "CBD NOW" mobil bankın əsas səhifəsi bu sözlərlə başlayır.
"CBD NOW" milleniallara (1980-2000-ci illərdə doğulanlar) və aktiv smartfon istifadəçi auditoriyasına yönləndirilib. Bankın rəhbəri Mürrey Simsin dediyinə görə, yeni bank müştəri ilə bank arasında olan əlaqələri dəyişəcək.
Hindistan
Hindistan Dövlət Bankı yaxın 3-6 ay ərzində çox güman ki, ölkədə "SBI Digi Bank" adlı filial şəbəkəsi olmayan tam digital bank yaradacaq: "Biz elə bir bank yaradacağıq ki, müştəri ilə canlı olaraq heç bir ünsiyyət yaranmasın, tranzaksiyalar mobil tətbiqetmələr və internet-bankinq üzrə keçsin".
Böyük Britaniya
Britaniyada baş verən "Brexit"ə baxmayaraq digital bankların yaranmasına böyük marağ var. Bu il ölkədə üç rəqəmsal oyunçuların ərsəyə gəlməsi gözlənilir:
1. Ötən il lisenziya almış "ClearBank".
2. "Bank işinin gələcəyi parlaqdır. Bank işinin gələcəyi sivildir" - sloqanı olan "CivilisedBank". Bankın əsas auditoriyası kiçik və orta bizneslə məşğul olan sahibkarlardır. Onlara bank əmanət hesabları, ödənişlər, depozitlər, overdraftlar, xarici valyuta mübadiləsi, investisiyalar və kreditlər təklif etməyi planlaşdırır.
3. Ötən yay "Starling Bank" Britaniya maliyyə tənzimləyicilərindən lisenziya alıb. Maliyyə institutunun şüarı - "Sizinlə sinxronizə olan bank". Bankın təsisçisi Anna Bodenin dediyinə görə, müştərilər real vaxt rejimində yaşamağa öyrəşiblər və bunu yeni bankda həyata keçirmək lazımdır. Bank yalnız bir məhsul təklif edəcək - cari hesablar və ödənişlər.
Fransa
Fransanın "Orange" mobil operatoru şəxsi onlayn bank açacaq. Maliyyə institutu mobil bank xidmətlərində püxtələşəcək. Bundan sonra İspaniya və Belçika bazarına daxil olacaq. Bank müstərilərinə cari hesablar, əmanət hesabları, kreditlər və ödənişlər kimi xidmətləri təklif edəcək. Bank xidmətləri tam virtual olacaq. 2018-ci il üçün "Orange" maliyyə xidmətlərindən 400 milyon avro gəlir əldə etməyi gözləyir.
Eləcə də bax: Mərkəzi Bankın valyuta ehtiyatlarına "SÜNİ NƏFƏS" - EKSPERT
Almaniya
Bu ilin yazında Almaniyada "Penta" adlı ilk digital bank fəaliyyətinə başlayacaq. Bankın məhsullarından Alman və Fransa sahibkarları yararlana biləcəklər. Bankın işə düşməsi üzərində 4 nəfərdən ibarət komanda çalışır. Hesabın açılışı 10 dəqiqə vaxt aparacaq, kartın əldə olunması cəmi 2 gün vaxt aparacaq.
Depozitlər və kreditlər ilk zamanda təklif olunmayacaq. Bundan başqa "Penta" müştərilərinə əmək haqqının uçotu, mühasibatın və məlumatların təhlili üçün proqram təklif edəcək. Məlumata görə, bank lisenziya almaq niyyətində deyil və "Fidor" bankı ilə artıq əməkdaşlıq yaradıb.
Çin
"Xiaomi" Çin smartfonlarının istehsalçısı "Sichuan XW Bank" adlı onlayn bank açmaq niyyəti olduğunu bəyan edib. Təşkilatın hədəf auditoriyası kiçik biznes və fiziki şəxslər olacaq. "Reuters" agentliyinin məlumatına görə, "Xiomi" bu addımı ilə smartfon istehsalı çərçivəsindən çıxacaq və bazar daha da dolğun olacaq.