Daha bir bank rüblük hesabatını açıqlayıb. Fins.az xəbər verir ki, "Bank of Baku" bu ilin birinci rübündə ehtiyatlara 18 milyon 708 min manat ayırıb. Ötən il isə mümkün zərərlərin ödənilməsi üçün yaradılan xüsusi ehtiyatlara 117 milyon 659 min manat ayırmışdı.

Ehtiyatlar bankın təhlükəsizlik yastığıdır. Böyük ehtiyata malik olan bank daha dayanıqlı olur. Bank of Baku erkən davranaraq böyük ehtiyat yaradır.

Ehtiyatlar qısa şəkildə izah edilərsə bankın fəaliyyəti ərzində mümkün zərərlərinin qarşılanması məqsədilə ayrılır. Belə izah etsək ki, bank tərəfindən aktivləri üzrə hər hansı gecikmə və ya geri qayıtmama ehtimalı (riski) artdığı halda, bankın bu zərərini qarşılamaq məqsədilə ehtiyatlar (rezervlər) ayrılmağa başlayır. Bu ehtiyatların ayrılması əlbəttə ki, müəyyən meyarlar əsasında aparılır. Aktivlərin gecikmə günləri üzrə riski artdıqca, uyğun olaraq bu zərərləri qarşılaya biləcək ehtiyatların faizləri də artır. Qeyd olunan ehtiyat faizlər üzrə ehtiyat məbləğləri üzrə hesablanaraq ehtiyatlanmanın yaradılması aparılır.

Bankın açıqldığı maliyyə hesabatlarından məlum olur ki, 2017-ci ilin yanvar-mart aylarında Bank of Bakunun cəmi gəlirləri 18 milyon 796 min manat təşkil edib. Bank ehtiyatların yaradılmasına 18 milyon 708 min manat nəzərdə tutduğundan ilk rüb 11 milyon 643 min manat zərər ilə başa vurulub.