Bu il oktyabrı 1-nə olan vəziyyətə görə, Azərbaycanda fəaliyyət göstərən 31 bankdan 11-nin nizamnamə kapitalı 100 milyon manatdan çoxdur. Bu banklar "Azərbaycan Beynəlxalq Bankı" (1 241,287 milyon manat), "PAŞA Bank" (333 milyon manat), "Xalq Bank" (225,079 milyon manat), "Kapital Bank" (185,85 milyon manat), "Nikoyl Bank" (184,5 milyon manat), "Access Bank" (140,25 milyon manat), "Express Bank" (137,257 milyon manat), "Atabank" (120,02 milyon manat), "Unibank" (119,686 milyon manat), "Bank Silk Vey" (104,601 milyon manat) və "AGBank"dır (102,2 milyon manat). Fins.az Renkinq.az-a istinadən xəbər verir ki,qalan 20 bankdan 13-də nizamnamə kapitalı 50-100 milyon manat arasında, 3 bankda nizamnamə kapitalı 50 milyon manat, 3 bankda nizamnamə kapitalı 10-50 milyon manat arasında, 1 bankda - Pakistan Milli Bankının Bakı filialında isə nizamnamə kapitalı 9,42 milyon manatdır.