Bu il noyabrın 1-nə olan vəziyyətə görə, Azərbaycan əhalisinin banklarda 7,28 milyard manat əmanəti olub. Bu barədə Azərbaycan Mərkəzi Bankının açıqladığı statistik hesabatda bildirilir. Funs.az Renkinq-ə istinadən xəbər verir ki,hesabata əsasən, bank əmanətlərinin 92,6%-i və yaxud 6,74 milyard manatı Bakının payına düşüb.
Fiziki şəxslərin depozitlərinin məbləğinə görə, növbəti yerdə Abşeron iqtisadi rayonu qərarlaşıb. Bu bölgədə yaşayanların bankda 159 milyon manat (2,2%) pulu var.
Digər regionlara gəlincə isə, bank əmanətlərinin məbləği Gəncə-Qazaxda 118 milyon manat (1,6%), Aranda 95 milyon manat (1,3%), Lənkəranda 39 milyon manat (0,5%), Quba-Xaçmazda 38 milyon manat (0,5%), Naxçıvanda 35 milyon manat (0,5%), Şəki-Zaqatalada 33 milyon manat (0,5%), Dağlıq Şirvanda 12 milyon manat (0,2%), Yuxarı Qarabağda 8 milyon manat (0,1%), Kəlbəcər-Laçında isə cəmi 1 milyon manatdır.