Bu il noyabrın 1-nə olan vəziyyətə görə, Azərbaycanda kredit qoyuluşunun məbləği 12,152 milyard manat təşkil edib. Bu barədə Azərbaycan Mərkəzi Bankının açıqladığı statistik hesabatda bildirilir. Fins.az Renkin-ə istinadən xəbər verir ki, hesabata əsasən, kreditlərin 83%-i və yaxud 10,088 milyon manatı Bakıda verilib.
Kredit qoyuluşunun məbləğinə görə növbəti yerlərdə Aran, Abşeron və Gəncə-Qazax iqtisadi rayonları qərarlaşıb. Bu bölgələrdə kredit portfeli müvafiq olaraq 495 milyon manat (4,1%), 458 milyon manat (3,8%) və 430 milyon manat (3,5%) təşkil edib.
Digər regionlara gəlincə isə, kreditləşmənin məbləği Lənkəranda 174 milyon manat (1,4%), Şəki-Zaqatalada 147 milyon manat (1,2%), Quba-Xaçmazda 144 milyon manat (1,2%), Naxçıvanda 102 milyon manat (0,9%), Dağlıq Şirvanda 72 milyon manat (0,6%), Yuxarı Qarabağda 42 milyon manat (0,3%), Kəlbəcər-Laçında isə cəmi 1 milyon manatdır.